புறக்கணிப்பு செய்பவரை நீயும்
புறக்கணி..... ப்பூ...வென்று
அகக் கணிப்பு இல்லார்தான்
புறக் கணிப்பு செய்கின்றார்;
அது
கட்சிகளே நடத்தும்
கருத்துக் கணிப்பு போலதான்; அங்கே
அவரவர் கட்சிக்கே இடமுண்டு
அடுத்தவர்க்கு செய்வது புறக்கணிப்பே..
அறக்கணிப்பு இல்லாதோர்
புறக்கணிப்பு செய்தால்: அதைப்
புறக்கணிப்பாய்க் கருதாதே..
நல்லவேளை நேரம் மிச்சமென
உள்ளவேலை ஏதாவது செய்; அதுவுன்
உள்ளத்திற்கு உரம்போடும்!
புறக்கணிப்பு செய்தே
புலகாங்கிதம் அடைவோர்
ஒன்றை மறந்து விடுகின்றனர்
கால பூமராங்கில்
காணாமல் போகையில்
ஞாலமே புறக்கணிக்குமென்று...
எனில்;
புறக்கணிப்பை
புறக்கணிப்பு செய்வீர்; ஆனால்
புறக்கணிப்பு செய்வோரை
புறக்கணிப்பு செய்யாதீர்..
ஏன் தெரியுமா?
அவர் நாண நன்னயம் செய்யவே!
செ. இராசா
No comments:
Post a Comment