காலமது போகிறது

 

காலமது போகிறது கற்பனையும் காய்கிறது
காரியம் ஆக வில்லையே- கந்தய்யா
காரணம் புரிய வில்லையே?!

ஞாலமது கேட்கிறது நாணமது தேய்கிறது
நேரமும் கூட வில்லையே- என்னய்யா
நேருமோ தெரிய வில்லையே?!

சாலமது வெல்கிறது சட்டனெவே செல்கிறது
தாமதம் ஆவ தில்லையே- ஏனய்யா?
தன்வினை போக வில்லையே!

மூலமது வேகிறது முன்னேறப் பார்க்கிறது
மூட்டவும் தீபம் இல்லையே- வந்தய்யா?
மூட்டினால் நானும் முல்லையே!