#வில்லத்தனமான_பாடல்
(வில்லன் பாடுவதுபோல்.....முற்றிலும் எதிர்மறையாய்...)
#மெட்டு: கதை கேளு கதை கேளு....
வலைவீசு வலைவீசு
இடம்பார்த்து வலைவீசு
திடமோடு வளமான
இடம்பார்த்து வலைவீசு
உன்னைப் போல ஆளே இல்லை
என்று சொல்லி வீசு..
தன்னைப்போல வல்லையின்னா
வேற ஆளப்பாரு...(2)
(வலைவீசு வலைவீசு...)
சினிமாவில் மோகங் கொண்டு தேடாத ஆளுமில்லை
உச்சத்தில் போகனும்னு ஆசையில் வருவார்
சினிமாவில் ஜெயிப்பதெல்லாம் ஒன்றுமே இல்லையென்று
சும்மாநீ அள்ளிவிட்டா உன்னிடத்தில் வருவார்
பேசிடும் பொழுதே கணித்திட முடியும்
அடுத்தது என்ன அதிரடி தான்.
உண்மையை அறிந்து உணர்ந்திடும் முன்னே
உருவிட முடிந்தால் பலன்தானே...
ஆசையில் அலைபவர் அகிலத்தில் கோடி
அடிக்கிற நபரிடம் விழுகிறார் நாடி
மோசடி செய்தே முதலிடம் பிடித்தே
அரசியல் செய்பவர் பிழைக்கிற பொழுதில்
வருகின்ற ஆடுகள் தலையினைக் கொடுத்தால்
அறுக்காமல் விடுவது அதர்மமாய் முடியும்
(வலைவீசு வலைவீசு...)
செ. இராசா
No comments:
Post a Comment