வெற்றி வெற்றி

 

வெற்றிவெற்றி வெற்றியென்று சொல்லடா

வீரம்கொண்ட வேகத்தோடு செல்லடா

சுற்றிச்சுற்றிச் சுற்றியெங்கும் பாரடா

சோகமெல்லாம் சுக்குநூறாப் போகுன்டா

 

வாழ்கையென்ன வாழ்கையென்று பேசுறான்

வாழுமுன்னே நொந்துநொந்து சாகுறான்

நாளைநாளை நாளையென்று தள்ளுறான்

நாளைவந்தும் நாளையென்றே சொல்லுறான்

 

முடிஞ்ச வரைக்கும் முயன்றுபாரு

...முடியலைன்னா தூக்கிப்போடு

கிடைச்ச வாய்ப்பைப் பிடிச்சுயேறு

..கிடைக்கலன்னா ரூட்டமாத்து

 

இருக்கு இருக்கு காலம் இருக்கு

..இப்ப எதுக்கு கவலை உனக்கு

செருக்கு முறுக்கு வேணாம் ஒதுக்கு

..செய்யும் செயலில் கவனம் செதுக்கு

 

....வெற்றி வெற்றி

 

செ. இராசா