திருமாவளவன் பாடல்

பல்லவி
பாதையை வகுத்தவரு
திருமா அண்ணன் பண்புல ஜெயிச்சவரு!
சாதனை படைச்சவரு
திருமா அண்ணன் சமத்துவம் விதைச்சவரு!

அனைவரும் சரிசமங்க
உண்மை இதை;
உலகமே உணரணுங்க...
உரிமைக்குக் குரல்கொடுங்க
ஒற்றுமையில்;
வெல்வது சுலபமுங்க...
 

சரணம்-1
அண்ணன் ஏதும் கேட்டா; ஆளும்
அரசும் மதிப்பு கொடுக்கும்..
உண்மை மாத்தி சொன்னா; அண்ணன்
மீசை முறுக்கில் அடங்கும்..

அடிமைத் தளையை ஒட்ட
அறுக்க நினைக்கும் எங்க
திருமா அண்ணன் வாழ்க!
பொறுமைக் கலையைக் கற்ற
போதி தர்மன் எங்கள்
அரிமா இவரு தாங்க!

நம்ம அண்ணல் போட்ட பாதை
அது அண்ணன் போகும் பாதை (2)
 

சரணம்-2
கல்விப் புரட்சி செய்ய: நல்ல
திட்டம் இங்கே வேணும்
நல்ல வழியைக் காட்ட; நாமும்
மேல ஏறி வரணும்...(2)

தமிழை ஒதுக்க எண்ணி
வினைகள் புரிய எண்ணும்
கூட்டம் ஒடுங்க வேணும்!
நிமிர்ந்த நடையில் நின்று
நினைவில் தெளிவு கொண்டு
வென்று காட்ட வேணும்

நம்ம அண்ணல் போட்ட பாதை
அது அண்ணன் போகும் பாதை (2)

செ. இராசா