ஊக்கமும் ஆக்கமும் ---- ஔவைத் திங்கள்- 22

 #ஊக்கமும்_ஆக்கமும்
#ஔவைத்_திங்கள்_22

ஊக்கமாய்ப் பேசுகின்ற ஒவ்வொரு சொற்களும்
ஆக்கத்தின் வித்தாகும் அங்கு
(1)

நல்லுரம் தந்தபயிர் நன்றாய் விளைவதுபோல்
நல்லூக்கம் செய்விக்கும் நன்று
(2)

ஊக்குவிப்பார் ஊக்குவித்தால் ஊக்குவிப்போர் தேக்குவிப்பார்
ஊக்கமிகு வாலிசொல் ஓர்ப்பு
(3)

பொன்பொருள் வேண்டாம் புதியவர் மேலெழும்ப
நன்வார்த்தை போதும் நவில்
(4)

தன்னலம் பாராமல் தட்டிக் கொடுப்பவரை
நன்றியுடன் போற்றுமாம் நட்பு
(5)

கலைஞனைத் தூக்கிவிடும் கைதட்டல் ஒன்றே
விலையேதும் இல்லா விருது
(6)

படைப்பவனை ஊக்குவிக்கும் பாராட்டில் தானே
படைப்புகள் தோன்றும் பல
(7)

உன்னால் முடியுமென்ற உள்ளார்ந்த ஊக்கம்தான்
உன்னை உயர்த்தும் உணர்
(8.)

ஆக்கம் குறைந்துவிட்டால் அஃதொன்றும் தப்பில்லை
ஊக்கம் குறையாமல் ஓடு
(9)

உளமார்ந்த நட்பான ஊக்கத்தைக் கொண்டு
வளமான நல்வாழ்வு வாழ்
(10)

செ. இராசா