அகச வரிசை

அகர வரிசை
*************
அன்பு இல்லையேல் அகிலம் இல்லை
ஆசை இல்லையேல் பிறப்பு இல்லை
இருப்பு இல்லையேல் செலவு இல்லை
ஈரம் இல்லையேல் மனிதன் இல்லை
உண்மை இல்லையேல் உறவு இல்லை
ஊக்கம் இல்லையேல் முயற்சி இல்லை
எளிமை இல்லையேல் மதிப்பு இல்லை
ஏற்றம் இல்லையேல் வளர்ச்சி இல்லை
ஐயம் இல்லையேல் கேள்வி இல்லை
ஒருமை இல்லையேல் பன்மை இல்லை
ஓர்மை இல்லையேல் கூர்மை இல்லை
ஔவை இல்லையேல் இதுவும் இல்லை

க- வரிசை
************
கண்கள் இல்லையேல் காட்சி இல்லை
காதல் இல்லையேல் கவிஞன் இல்லை
கிழமை இல்லையேல் வாரம் இல்லை
கீதை இல்லையேல் கண்ணன் இல்லை
குழப்பம் இல்லையேல் தெளிவு இல்லை
கூட்டம் இல்லையேல் கோசம் இல்லை
கெடுதல் இல்லையேல் கேடு இல்லை
கேள்வி இல்லையேல் அறிவு இல்லை
கைதி இல்லையேல் சிறைகள் இல்லை
கொள்கை இல்லையேல் கட்சி இல்லை
கோடி இல்லையேல் கோட்டை இல்லை
கௌரி இல்லையேல் உயிர்கள் இல்லை

ச- வரிசை
***********
சட்டம் இல்லையேல் நீதி இல்லை
சாட்சி இல்லையேல் தீர்வு இல்லை
சிந்தை இல்லையேல் மனிதன் இல்லை
சீற்றம் இல்லையேல் துன்பம் இல்லை
சுற்றம் இல்லையேல் சிறப்பு இல்லை
சூடு இல்லையேல் திருத்தம் இல்லை
செல்வம் இல்லையேல் இனிமை இல்லை
சே இல்லையேல் புரட்சி இல்லை
சைத்தான் இல்லையேல் பாவம் இல்லை
சொந்தம் இல்லையேல் பந்தம் இல்லை
சோம்பல் இல்லையேல் தோல்வி இல்லை
சௌரியம் இல்லையேல் எதுவும் இல்லை

✍️செ. இராசா

(தம்பி தத்துவம்லா சொல்றாப்லன்னு நினைக்க வேண்டாம்....ச்சும்மா ஒரு முயற்சி....மாற்றம் வேண்டுமெனில் தங்கள் கருத்துகளைச் சொல்லுங்கள்)