பார்வையே கவிதை

கயல்விழிப் பார்வையை வார்த்தையில் வடித்திட
கலைநயப் பார்வையை கண்களில் ஏற்றியே
கவிஞனாய் பார்க்கிற கண்களின் மொழியினை
காதலின் பார்வையாய் தவறாய் கணித்திட
கன்னியோ பார்வையை நிலத்தில் செலுத்திட
கவிஞனின் பார்வையோ தாழ்ந்து நோக்கிட
கன்னியும் பார்வையால் மெல்ல சிரித்திட
கவிஞனின் பார்வையோ தடங்கள் மாறிட
கன்னியின் பார்வையை கண்களால் கவ்விட
கவிஞனின் பார்வையோ காதலில் மூழ்கிட
கன்னியின் பார்வையே கவிதை என்றானாம்!