போதை

மயக்கும் கள்ளும் போதை!
நயக்கும் சொல்லும் போதை!

குருட்டு பக்தியும் போதை!
திருட்டு உறவும் போதை!

அளவில்லா பணமும் போதை!
அதிகாரப் பதவியும் போதை!

கர்வம்தரும் கல்வியும் போதை!
கண்ணைக்கட்டும் களிப்பும் போதை!

அகங்கார அறிவும் போதை!
அலங்காரப் பெண்ணும் போதை!

எந்நேரம் முகநூல் போதை!
எழுதுகின்ற கவிதை போதை!

சிலநேரம் கிரிக்கெட் போதை!
பலநேரம் சினிமா போதை!

சிலருக்கோ கணினி போதை!
பலருக்கோ கைப்பேசி போதை!

'திராவிடம்' சொல்லே போதை!
தமிழனுக்கு தமிழே போதை!

தமிழனின் மறதியும் போதை!
தனிமனிதத் துதிகளும் போதை!

அளவை மீறும் அனைத்தும் போதை!
அறிவை மயக்கும் அனைத்தும் போதை!