கட்டுரை-3 --- எளிய முறையில் உடம்பைக் குறைப்பது எப்படி?

 

இக்கட்டுரையில் முதலில் கலோரி என்றால் என்ன என்று பார்ப்போம்.

நம் உடலுக்குத் தேவையான ஆற்றல் பெரும்பாலும் உணவிலிருந்துதான் கிடைக்கிறது. ஒவ்வொரு உணவிற்கும் ஒவ்வொரு வகையான ஆற்றல் உள்ளது. அதேபோல் நாம் செய்யும் ஒவ்வொரு வேலையிலும் அதே ஆற்றலானது செலவும் செய்யப்படுக்கிறது. இப்படி நாம் உட்கொள்ளும் ஆற்றல் மற்றும் செலவழிக்கும் ஆற்றலென இந்த இரண்டு ஆற்றல்களுமே #கலோரி என்ற அலகால்தான் அளவிடப்படுகிறது. 

 

பொதுவாக நாம் சாப்பிடும் உணவிலுருந்து கிடைக்கும் ஆற்றலும் நாம் செலவு செய்யும் ஆற்றலும் சரியாக இருக்கும்பட்சத்தில் நம் உடலின் எடை கூடுவதோ அல்லது குறைவதோ இல்லை. எப்போது ஒன்று மிகுந்து ஒன்று குறைகிறதோ அப்போதுதான் அதன் சமநிலை கெட்டு நாம் பருமனாகவோ அல்லது ஒல்லியாகவோ உருமாற்றம் பெருகின்றோம்.

 

எனில், சமநிலையான உணவென்றால் என்ன?

அதாவது, ஒரு சராசரியான கணக்கின்படி அன்றாட வேலைப்பார்க்கும் ஆண் அல்லது பெண் எவ்வளவு உணவு உட்கொள்ளலாம் என்ற ஒரு அட்டவணை உள்ளது. இதெல்லாம் ஒரு உத்தேசமான கணக்குதான். அவரவர் வாழும் நாட்டைப்பொறுத்து, உயரத்தைப்பொறுத்து இவையெல்லாம் மாறும். அந்த கணக்கின்படி உணவு உட்கொள்வதே சமநிலையான உணவாகக் கருதப்படும்.

இப்போது உதாரணமாக ஒரு ஆண் 2300 கலோரி உணவு எடுத்துக் கொள்ளலாம் என்று வைத்துக்கொள்வோம். அவரே அதிகமான உடலுழைப்பு உள்ளவராக இருந்தாலும் கூடுதலாக உணவு எடுத்துக்கொண்டாலும் உடம்பு வைக்காது. ஆனால், அவர் வேலையே செய்யாமல் நிறைய சாப்பிட்டால் கட்டாயம் உடம்பு போடவே செய்யும்.

 

அதெல்லாம் சரி, இந்த உணவுக்குள் இருக்கும் கலோரியை எப்படி கணக்கிடுவது என்று தெரிந்தால்தானே, எவ்வளவு சாப்பிடலாம் என்று அறியமுடியும், எனில் கலோரியைக் கணக்கிடுவதெப்படி?

....தொடரும்

 

செ. இராசா