உங்கக் கழுத்தில் தொங்குதே.

 

இதுதான் இங்கேயே உங்கக் கழுத்தில் தொங்குதே... அப்புறம் ஏன்... அவ்வளவு கஷ்டப்பட்டுபோய் பார்த்தோம்.

----என் மகள் என் கழுத்தில் கிடந்த சிவலிங்கத்தைப் பார்த்து இராமேஸ்வரம் ஏன் போய் வந்தோம் என்பதற்காக கேட்ட கேள்வி.

ஆகா.... சிந்திக்க வைக்கும் கேள்வியே இங்கு கண்ணிகளாக.... சிவவாக்கியர் சந்தத்தில்..

 

#மகள்:

எங்கிலோ உறையுமொன்றைத் தேடிப்

போகுமுன்னராய்

உன்னிலே உறையுமொன்றை நீயுங் காணவில்லையோ?

 

#நான்

என்னிலே உறையுமொன்றை நானுங் கண்டுகொண்டதால்

எங்கிலும் உறையுமுண்மை ஒன்றாய் ஒன்றிநிற்கிறேன்!

செ. இராசா