பாகைநாடன் ஐயாவின் பாதத்தில் வீழ்ந்ததால்
வாகைதொட்ட ஐயாவின் வாழ்த்தினைப்
பெற்றதால்
தாய்த்தமிழ்ப் பிள்ளையை சந்தித்த நற்பயனால்
வாய்த்திட்ட பிள்ளையென் வாழ்த்து!
இனிய பிறந்தநாள் வாழ்த்துகள் ஐயா
செ.இராசா
(நல்லாசிரியர்
விருது பெற்ற, 17 நூல்கள் படைத்த திரு. சண்முகநாதன் ஐயா அவர்களுக்கு என்
இனிய பிறந்தநாள் வாழ்த்துகளைத் தெரிவித்துக் கொள்கிறேன். வணங்கி
மகிழ்கிறேன் ஐயா!!!)
செ.இராசா
படியேறிப் போகின்ற பாவையின் கண்கள்
படியேறப் போகின்ற பாவியைக் கண்டு
படியிறங்கி வந்ததால் பள்ளத்தில் வீழ்ந்து
படியிறங்கிப் போனகதை பார்செ. இராசா
#கற்பனை_மட்டுமே
ஓவியம் உதவி Elaiyaraja S A V நன்றி ஐயா
நினைவில் வைத்து
கனவில் காண்பதல்ல நட்பு!
மனதில் புதைத்து மரணம் வரை தொடர்வதுதான் உண்மையான நட்பு...
இல்லை.. இல்லை
மரணம் தாண்டியும் தொடர்வதுதான் உண்மையான நட்பு...
#இனிய_நண்பர்கள்_தின வாழ்த்துகள்செ.இராசா
(மேலே
உள்ள வரிகள் 2012ல் நான் எழுதியவை. இதே வரிகளை 2017ல் என் நண்பன் போஷ்
மறைவின்போது ஞாபகம் செய்தேன். இப்போது இவ்வரிகளை நினைத்துப்
பார்த்து...மரணம் தாண்டியும்.....என்ற வரியை இணைத்துள்ளேன்...
ஆமாம் நண்பா...என்றும் உன் நினைவோடு)
#குறளுரையாடல்_5
#நான்_1
கற்றதைக் கற்றதுபோல் கற்போர்க்குக் கற்பித்துக்
கற்றோரில் நிற்போராய்க் காட்டு
#ஐயா_2
காட்டுக்குள் வாழ்ந்தாலும் நல்வீட்டில் ஆழ்ந்தாலும்
நாட்டுக்குள் நீதிநெறி நன்று.
#நான்_3
நன்றென்று தோன்றுவதை நன்றாகப் பற்றுவோர்
என்றைக்கும் வாழ்வார்கள் பார்
#ஐயா_4
பாருக்குள் நன்னாடு பாரதம் நம்நாட்டின்
ஊருக்குள் நம்மண்நல் ஊர்
#நான்_5
ஊருலகம் போற்றும் உயர்வாழ்வு வேண்டுமெனில்
சீருடன் செய்வாய் செயல்
#ஐயா_6
செயலாற்றும் ஞாலத்துள் செந்நீரில் வாழும்
கயலுட் புகாநீர்போல் கல்
#நான்_7
கல்லுக்குள் உள்ள(க்) கருத்தை உணர்ந்தோர்க்கு
கல்லும் கடவுளே காண்
#ஐயா_8
காண்பதுவும் கேட்பதுவும் கட்செவிமுன் மெய்யல்ல
மாண்பதுவால் ஆய்வது மாண்பு
#நான்_9
மாண்புள்ள மாந்தராய் மண்ணிலே வாழ்வோரை
காண்கின்றார் தெய்வமாய் காண்
#ஐயா_10
காண்பதுவும் கண்டதுவும் கண்காணப் போவதுவும்
வீண்மனமோ கேளாநீ வீண்.
#நான்_11
வீண்பேச்சு பேசிடும் வீணர்கள் கூட்டத்தை
காண்கையில் தோன்றும் கசப்பு
#ஐயா_12
கசக்கும் நுனிக்கரும்பும் காலங் கடக்க
அசத்தல் இனிப்பளிக்கும் ஆழ்
#நான்_13
ஆழ்ந்து படித்தபடி அப்படியே ஏற்றிவிட்டு
வாழ்வைப் படித்திட வா
#ஐயா_14
வாவென்று சொன்னேன் வணங்கி விழிமூடி
போவென்று சொல்லேன் ஓம்
#நான்_15
ஓமென்ற மந்திரத்தில் ஊடாடும் மெய்ப்பொருளை
நாமென்றும் எண்ணினால் நன்று
#ஐயா_16
நன்று நினைந்துநீ நல்லொழுக ஆசையை
வென்று முடிக்கவுனை வெல்
#நான்_17
வெல்வோர்க்கே இவ்வுலகம் வென்றிடவே வேண்டுமென
உள்ளத்தில் என்றைக்கும் ஊன்று
#ஐயா_18
ஊன்றிக் களித்திடும் உள்ளத்தில் மெய்யறிவு
தோன்றி யொளிரும் ஒளி.
#நான்_19
ஒளியோடும் வேகத்தில் உள்வாங்கிப் பாட
அளிப்பாயே என்னுள் அருள்
#ஐயா_20
அருளைப் பொழியும் அருந்தமிழ் உள்ள
இருளை ஒழிக்கும் இருப்பு.மருத்துவர் ஐயாவுடன் & செ.இராசா
படபடக்கும் இதயம்...
துடிதுடிக்கும் இமைகள்...
பார்க்கத் துடிக்கும் பார்வை...
பார்த்துவிடுவார்களோ என்ற பயம்..
நக்கல் செய்வார்களோ என்ற நாணம்
பேச வேண்டுமோ என்ற கூச்சம்..
என்ன நடக்குமோ எனும் ஆர்வம்..
எங்கிருந்தோ வந்த அச்சம்..
வியர்வையை துடைக்கும் வெக்கம்
இப்படி எத்தனையோ உணர்ச்சிகள்...
இதைக் கவனித்தபடியே
#மெல்லச்_சிரித்தாள்.
தன்னைப் பெண் பார்க்க வந்த
அந்தக் கடைசி மாப்பிள்ளையை.....செ. இராசா
செ.இராசா
செ. இராசா
#சமயம் சார்ந்த பதிவை
சமயம் பார்த்து பதிவிடும்
சமய வாதியா நான்?!
ஆம்..சமயம் பற்றிப் பதிவிடும்
சமயவாதியே நான்..
இந்த சமயம் பற்றிய பதிவை
சமயம் இருந்தால் படியுங்களேன்
இந்த சமயம்
இதற்கான சமயம்
அந்த சமயம்
அதற்கான சமயம்
இப்படி சமயத்தை எப்படி வகுப்பதென
எல்லா சமயங்களும் சொன்னாலும்
இந்த சமயம் பற்றிப்புரிய
நமக்குத்தான் சமயமே இல்லைபோல..
நேற்றைய சமயம் நேற்றோடு
நாளைய சமயம் நாளைக்கு
இன்றைய சமயம் இப்போது..
இந்த சமயத்தை
இப்போதுள்ள சமயத்தை; ஏன்
ஒவ்வொரு சமயத்தையும் ருசித்து
ஒவ்வொரு சமயத்திலும் வாழ்ந்தால்
எல்லா சமயமும்
நல்ல சமயமே......
செ.இராசா
காணொளியைக் காட்டிவிட்டு கண்டபடி வாங்கிவிட்டுத்
தேனொழுகப் பேசுவதா தீர்வு
செ.இராசா
