குடங்குடமா குடிச்சபின்னே

குடங்குடமா குடிச்சபின்னே
குடிமறக்க மாலைபோட்டு
குடிக்காமத்தான் இருந்தீக

மலையிரங்கி வந்ததுமே உங்க
மதிகோணல் ஆயிடுச்சு எங்க
மனசு உடைஞ்சி போயிடுச்சி

குலத்தொழிலை தொலைச்சீக
குடும்பத்தையும் மறந்தீக
குணங்கெட்டு திரிஞ்சீக

குலங்கெட்டு போனபின்னும்
குடிக்கிறது குத்தமான்னு
கூசாமக் கேப்பீக

யாருபோட்ட சாபமோன்னு
ஊருக்குள்ள ஒரேப்பேச்சு
உமக்கேனோ தெரியாமப் போச்சு

கருவுல வந்த மகன்
தெருவில கெடக்கிறான்னு
ஊரில சொல்லும்போது

உருக்குலஞ்சு போயிட்டாக
உயிரப் பாதி விட்டுட்டாக
உன்னைப் பெத்துப் போட்டவுக

பில்லி சூனியம் இருக்குமோன்னு
பூசாரி வாக்கு கேக்க
போயிக்கிட்டே இருக்குறாக

காட்சியேதும் மாறவில்லை
காலமின்னும் கூடவில்லை
காத்துமட்டும் கிடக்கிறாக

மீண்டும் மீண்டு வருவீகன்னு