வணக்கம் சொல்லுங்க- அண்ணன் வணக்கம் சொல்லுங்க

வணக்கம் சொல்லுங்க- அண்ணன்
வணக்கம் சொல்லுங்க
வணக்கம் சொல்லுங்க- ஐயா
வணக்கம் சொல்லுங்க

தொட்டாப் பரவுது- கொரோனாத்
தொட்டாப் பரவுது
விட்டா விலகுது- தூரம்
விட்டா விலகுது!

கையைத் தொட்டாக்க கைவழியேப் பரவும்
கையைப் பற்றாமல் வணக்கம் சொல்லுங்க
மெய்யில் பட்டாக்க மெய்யெல்லாம் படரும்
மெய்யாய் எப்போதும் வணக்கம் சொல்லுங்க
தமிழன் நாகரிகம் தரணியெல்லாம் பேசும்
தருணம் இதுதாங்க வணக்கம் சொல்லுங்க
மனித நாகரிகம் மதங்கடந்து போகும்
மனதால் தெளிவோடு வணக்கம் சொல்லுங்க

மஞ்சள் பூண்டுன்னு சீரகத்து ரசங்க
கொஞ்சம் புளிசேர கூடுமுங்க ருசிங்க
உங்க உடலுக்கு ஏற்றுகின்ற உரங்க
எங்க உணவுக்கு ஈடுயிணை எதுங்க?
மருந்தே இல்லாத மகத்துவந்தான் உணவு
அருமை என்னான்னு புரியவேணும் உலகு
பாட்டன் முப்பாட்டன் தந்ததெங்கள் உணவு
வாட்டும் நோய்க்கிருமி வச்சிடுமா உறவு?

✍️செ. இராசா

காணொளி:

https://www.facebook.com/1529793087155445/posts/1839165699551514/?vh=e&d=n