இந்த மனமென்னும் துப்பாக்கியில்தான்
எத்தனை வகைத் தோட்டாக்கள்?!!
என்ன......தோட்டாக்களா?
என்ன தோட்டாக்கள்?!
ஆம்...எண்ணத் தோட்டாக்கள்..!!
அவை..
கூடவே இருந்து
கழுத்தைக் கவ்வும்
சயனைடு வகைத் தோட்டாக்கள்!!
ஆனால்;
அன்பை செலுத்தினால்
அருளை விளைவிக்கும்
அற்புத வகைத் தோட்டாக்கள்!!
அவை “பூ” தூவும்
அல்லது “ப்பூ” தூவும்
பூமராங் வகை தோட்டாக்கள்!!
பண்பினைப் பொறுத்தே
பண்பலையாய்ப் பரவுவதால்
மனமெனும் துப்பாக்கியை
மௌனித்து வைத்து
எண்ணத் தோட்டாக்களை
எண்ணிப் பார்த்தால் தெரியும்
அவையே..
வண்ண வாழ்விற்கு
வாசல் திறக்கும்
அதிசயத் தோட்டாக்கள் என்று!
#மனம்போல்_வாழ்வு
No comments:
Post a Comment