எல்லாப் புகழும் இறைவனுக்கே

 

#பல்லவி
எல்லாப் புகழும் இறைவனுக்கே
எல்லாம் அண்ணல் நபிகளுக்கே
எல்லாப் புகழும் இறைவனுக்கே
எல்லாம் அண்ணல் நபிகளுக்கே

புகழ்
மாயையில் பாதையை மாற்றாதே- அது
நாயகன் அருளென மறவாதே...
நானென நானென சொல்லாதே..

அவ; னாலின்றி அணுவும் அசையாதே

எல்லாப் புகழும் இறைவனுக்கே
எல்லாம் அண்ணல் நபிகளுக்கே...
(புகழ்...)

#சரணம்
அல்லா என்ற
சொல்லால் இன்னல்
இல்லா தென்று போகாதோ...
அல்லா என்ற
சொல்லால் இன்பம்
எல்லாம் வந்து சேராதோ..

வேதம் காட்டும் வழியினிலே
சென்றால் வெற்றி வாராதோ
ஞாலம் போற்றும் நெறியினிலே
நின்றால் யாவும் சேராதோ

எல்லாப் புகழும் இறைவனுக்கே
எல்லாம் அண்ணல் நபிகளுக்கே...

செ. இராசா

வாருங்கள் வாருங்கள் அல்லாஹ்வை நாடி...

வாருங்கள் வாருங்கள்
அல்லாஹ்வை நாடி...
நம்பினோர் யாவருக்கும்
அல்லாஹ்வே நாதி...
கேளுங்கள் கேளுங்கள்
குர்ஆனை ஓதி...
கேட்டதைக் கொடுப்பதுவே அல்லாஹ்வின் நீதி...
‌
நாடுங்கள் அல்லாஹ்வை நாடுங்கள்
கேளுங்கள் நெஞ்சாரக் கேளுங்கள்
ஓதுங்கள் குர்ஆனை ஓதுங்கள்
கூறுங்கள் நன்றியைக் கூறுங்கள்

இரவும் பகலும் கலந்ததுதான்
இந்த நாட்கள் எனினும்
இரவில் இருளும் வரும்பொழுதே
விளக்கைத் தேடும் மனது..

இன்பம் துன்பம் கலந்ததுதான்
இந்த வாழ்க்கை எனினும்
துன்பம் பெரிதாய் வரும்பொழுதே
இறையைத் தேடும் மனது

கூறுவோமே அல்லாவின் நாமம்
தேடுவோமே அல்லாவை நாளும்..
போகாதே போகாதே மாறான பாதை..
தேடாதே தேடாதே எப்போதும் தீதை

இரமலான் புனித இரமலான்
இரமலான் புனித இரமலான்

செ. இராசா

மெட்டு: ஒயிட்லகான்.....ஐபிஎல்லப் பார்க்கக் கூட்டம் கூடுது-

 

(மெட்டு: ஒயிட்லகான்)

ஐபிஎல்லப் பார்க்கக் கூட்டம் கூடுது- அதப்
பார்க்க சொல்ல மஜாவாத்தான் இருக்குது...(3)
சிக்ஸர் ஃபோரு அடிச்சா விசில் பறக்குது...அதுக்கு
சீயர்ஸ் கேர்ள்ஸ் ஆடயிலத் துடிக்குது...

ஏய் டோனி கோலி பாருடா
நம்ம டோனிபோல யாருடா
இவன் சிஸ்கேயின் சிங்கன்டா
இவன் நின்னாப் பந்துத் தெறிக்குன்டா..‌

ஹோய்...ஹோய்...

ஐபிஎல்லப் பார்க்கக் கூட்டம் கூடுது- அதப்
பார்க்க சொல்ல மஜாவாத்தான் இருக்குது...

மச்சான் மச்சான் மச்சான் மச்சான் ஞானம்
இந்த RCB தாண்டா உண்மையில பாவம்.....(2)
பொம்பளங்க கிரிக்கெட்டுல கப்படிச்ச டீமான்டாம்..
ஆம்பளங்க கிரிக்கெட்டுல
ஐயாபாவம் கிட்டலடா...
டெல்லி மும்பை பஞ்சாப்பெல்லாம் சிரிக்குது- இப்ப
கோலி என்ன செய்யுறான்னு கேக்குது...

ஐபிஎல்லப் பார்க்கக் கூட்டம் கூடுது- அதப்
பார்க்க சொல்ல மஜாவாத்தான் இருக்குது...

செ. இராசா

தமிழச்சி தமிழச்சி தமிழச்சி

  

#பல்லவி

யாரு யாரு வெல்வதாரு?
இதுல என்ன டௌட்டு..
தாறு மாறு ஓட்டிங்கில
ஜெயிப்பதுதான் வெயிட்டு

மாறி மாறிப் போகுதுங்க
எதிரணியின் கூட்டு
வேற மாறி வெல்லுமுங்க
தளிபதியின் ரூட்டு

யாரென்ன சொன்னாலும்
அக்காவுக்கே ஓட்டுங்க...
யாரெதிர் நின்னாலும்
டெப்பாசிட்டே டௌட்டுங்க....

#சரணம்_1
கலைஞரே பேருவச்ச
அக்காசிறப்பக் கேளுங்க
கவிஞரா மின்னியவர்
கலக்குறாருப் பாருங்க..

அதிரடியாகப்பேசி
அசத்துறது யாருங்க
தளபதி அனுப்பிவச்ச
தமிழச்சிதான் பாருங்க

சாதிமதத்தைச் சொல்லி பிரிக்கிறது யாருங்க?
நீதிபுகட்ட எண்ணி போடவேணும் ஓட்டுங்க...

மோதிஜெயிக்க இங்கே பேசுவதைக் கேளுங்க..
நீதிஜெயிக்க எண்ணி நம்மயாரு காட்டுங்க....

யாரென்ன சொன்னாலும்
அக்காவுக்கே ஓட்டுங்க...
யாரெதிர் நின்னாலும்
டெப்பாசிட்டே டௌட்டுங்க....

#சரணம்_2
தமிழினம் வாழ்த்துகின்றத்
தங்கமகள் யாருங்க?
தென்னகப் பெருமைகொண்ட
சிங்கமிவர் தானுங்க..

சென்னையில் வெற்றிகண்ட
தமிழச்சினா யாருங்க?
நம்மினம் நிமிரவச்ச
கழகத்தோட தூணுங்க...

மாநில உரிமை காக்க நாமவெல்ல வேணுங்க
மாறிடும் சூழ்நிலைய நினைச்சு வோட்டப் போடுங்க
நாட்டையே அடகுவச்ச மோசமான கூட்டங்க
நாமதான் தடுக்கவேணும் சின்னம் பார்த்து போடுங்க
....நம்ம சின்னம் பார்த்துப் போடுங்க!

யாரென்ன சொன்னாலும்
அக்காவுக்கே ஓட்டுங்க...
யாரெதிர் நின்னாலும்
டெப்பாசிட்டே டௌட்டுங்க....

#கோரஸ்
தென்சென்னை என்றாலே யாரு
... தமிழச்சி அக்கான்னு பேரு
வீரத்தின் அடையாளம் யாரு?- அதைப்
...பாராளு மன்றத்தில் பாரு
கழகத்தின் பெண்சிங்கம் யாரு?
...எங்கக்கா தமிழச்சி பேரு- நம்ம
கழகத்தின் பெண்சிங்கம் யாரு?
...எங்கக்கா தமிழச்சி பேரு

.செ. இராசா

கோரஸ்

தமிழச்சி தமிழச்சி தமிழச்சி

தன்மானம் உள்ள தமிழச்சி

தமிழச்சி தமிழச்சி தமிழச்சி

நன்ஞானம் உள்ள தமிழச்சி

 

பல்லவி

எத்தனையோ பேரிருந்தும்

இங்கே யாரு தமிழச்சி..

சத்தியமா சொல்லுறேங்க

அக்காதாங்க தமிழச்சி..

முத்தமிழ்க் கலைஞரோட

பிள்ளைபோல தமிழச்சி...

 

சத்தியமா சொல்லுறேங்க

அக்காபேரு தமிழச்சி

அக்கா போல யாரு?- நம்ம

அக்கா சூப்பர் ஸ்டாரு...

அக்கா போல மாசு?- இங்கே

அக்கா தாண்டா கிரேசு

 

சரணம்-1

டெல்லி கிடுகிடுங்கும் அக்கா நிதி கேட்டா..

அள்ளி கொடுத்திடுங்க எல்லாத்தையும் நீட்டா..

தொகுதி பரபரக்கும் அக்கா இங்கே வந்தா...

பகுதி தலைநிமிரும் பக்காவாக நண்பா..

 

அக்கா போல யாரு?- நம்ம

அக்கா சூப்பர் ஸ்டாரு...

அக்கா போல மாசு?- இங்கே

அக்கா தாண்டா கிரேசு

 

சரணம்-2

தலைமைப் படிஉயரும் அக்காபதில் சொன்னா

கலைஞர் புகழுயரும் தமிழச்சியா நின்னா...

எதிரிப் படைநடுங்கும் அக்காபேரக் கேட்டா

உதிரிக் கட்சியெல்லாம் உக்காருண்டா சொம்மா

 

அக்கா போல யாரு?- நம்ம

அக்கா சூப்பர் ஸ்டாரு...

அக்கா போல மாசு?- இங்கே

அக்கா தாண்டா கிரேசு

 

செ. இராசா

லாஇலாஹா இல்லல்லாஹ்

 

லாஇலாஹா இல்லல்லாஹ்
எல்லாம் அவனாலே
லாஇலாஹா இல்லல்லாஹ்
வெல்வோம் அருளாலே

வேதம் தந்தானே-வெல்லும்
மார்க்கம் தந்தானே
யாதும் தந்தானே-இங்கே
எல்லாம் அவனாலே...

ஆதம் தந்தானே -அண்ணல்
நபியைத் தந்தானே
காலம் எல்லாமே-யாவும்
அல்லாஹ் அருளாலே..

இரமலான் வந்தாலே- நோன்பு
நோற்கும் செயலாலே...
தீமை எல்லாமே- தீரும்
தீனின் வழியாலே...

செ.இராசா

பிழைப் பத்து -----குறள் வெண்பாக்கள்

 #பிழைப்_பத்து
#குறள்_வெண்பாக்கள்

இத்தனைநாள் ஆனபின்னும் இன்னும் பிழையென்றால்
எத்தனைநாள் வேண்டும் இதற்கு?!
(1)

செய்த பிழையையே செய்கின்றோம் என்றானால்
செய்வதில் என்ன சிறப்பு?
(2)

ஒற்றுப் பிழையென்றால் ஓரள(வு) ஏற்றிடலாம்
முற்றும் பிழையென்றால் நோவு!
(3)

தப்பின்றி செய்தால் சரியென்று சொல்லாதோர்
தப்பிழைத்தால் சொல்லிடுவர் தப்பு!
(4)

உயரத்தில் நிற்போரின் ஒற்றைப் பிழையும்
துயரம் கொடுக்கும் தொடர்ந்து!
(5)

சிறுபிழை தானென்று சிந்திக்க வேண்டாம்
சிறுபொறியில் காடழியும் சேர்ந்து!
(6)

தளைதட்டும் பாட்டெழுதித் தந்திடுவோம் என்றால்
தலைநிமிரும் பேருண்டா சொல்?
(7)

எழுதுவோர் கண்களுக்(கு) எட்டாப் பிழையைக்
கழுகுபோல் கண்டிடுவர் காண்!
(8)

மீண்டும் முயல்கின்றோம் மீண்டும் தவறென்றால்
மீண்டும் முயன்றிடுவோம் மீண்டு!
(9)

எழுத எழுதத்தான் ஏற்றமுறும் என்றால்
எழுத்தைத் தவம்போல் எழுது!
(10)

செ. இராசா

தேர்தல் வந்தததும் உடனே தேடி வருகுறான்

 

தேர்தல் வந்தததும் உடனே
தேடி வருகுறான்..
ஓட்டு போட்டதும் நமக்கே
வேட்டு வக்கிறான்...
வேற வழியில்லை தெரிஞ்சே
ரூட்ட மாத்துறான்...
யாரும் சேர்க்கல கேட்டா
கூட்டணிங்குறான்....

நேர்மையானவன் இங்கே
யாரு சொல்லுங்க..
நேரவந்துதான் உடனே
சரக்கத் தள்ளுங்க..
நீட்டு கேட்டுன்னு நீட்டா
நேக்கு பண்ணுங்க..
மாத்தி மாத்தியே நீங்க
ஆள வேணுங்க...

குடியக் காக்கும் எங்க தெய்வம் - நீங்க
கொடுத்தா நாங்க நல்லா செய்வோம் (2)

செ. இராசா

உழைப்பவர் வாழ்க

வன்மம் நிறைந்தது வையகம் நோக..
இன்னல் மிகுந்தது..ஈந்தவர் மாற..
நேர்மை குறைந்தது நிம்மதி போக..
வாய்மை வளைந்தது வானமே நாண‌‌

தர்மம் நிறைந்துளத் தலைவரும் இல்லை!
கர்வம் குறைந்துளக் கவிஞரும் இல்லை!
தர்க்கம் எழும்பிடா சபைகளும் இல்லை!
வர்க்கம் புகுந்திடா அமைப்புகள் இல்லை!

காமம் குடிபுகா மாந்தரும் உண்டோ?
சாமம் முடிந்திடா நாட்களும் உண்டோ?
நாமம் கெடுத்திட நினைப்பவர் உண்டோ?
ஈமம் பிடித்திட இறப்பவர் உண்டோ?

அன்பு மிகுந்திட அகிலமும் தோன்ற
பண்பு நிறைந்திட பாடலும் பாட
நன்மை நிலைத்திட நல்லவர் ஓங்க
உண்மை ஜெயித்திட உழைப்பவர் வாழ்க!

செ.இராசா

சினிமாப் பத்து ...............குறள்வெண்பாக்கள்

 #சினிமாப்_பத்து
#குறள்வெண்பாக்கள்

குடித்தபின் எல்லோரும் கும்மாளம் போட்டு
நடித்த படமாய்யா நன்று?
(1)

தடைபோட்ட வேலியைத் தாண்டியவர் சென்றால்
கிடைக்குமோ நல்விருது கேள்?!
(2)

மலையாளி செய்தால் மகிழ்கின்ற நம்மோர்
கலையுயர தேவை கதை!
(3)

கவிவேண்டும் என்றே கதைத்ததோர் காலம்
கவியரசர் காலமே காண்!
(4)

இசைவேண்டும் என்றே இயங்கியதோர் காலம்
இசைஞானி காலமே இங்கு!
(5)

நடிகரை நம்பி நகர்கின்ற காலம்
விடியுமா? சொல்வீர் விடை!
(6)

வர்த்தகத் தேவையென நம்பிக்கை கொள்ளாமல்
அர்த்தமுடன் செய்தால் அழகு!
(7)

இயலும் இசையும் இனிதே அமைய
இயல்பாய் நடிப்பிருந்தால் ஈர்ப்பு!
(8)

மனித உணர்வுகளை நன்றாகக் காட்டி
இனியேனும் செய்தால் இனிது!
(9)

மஞ்சுமேல் பாய்ஸைப்போல் நாம்செய்தால் கைகொடுக்க
நெஞ்சுரம் கொள்வீர் நினைந்து!
(10)

செ. இராசா

போட்ட கணக்கெல்லாம் போச்சு

 

நம்பிய பேர்களை

.....நட்டாற்றில் நிக்கவைத்து

பம்மிய பேர்களை

.....பாயவைத்த- நம்சாமி

கூட்டணி வைக்கவே

.....கூறில்லை என்றானால்

போட்ட கணக்கெல்லாம்

.....போச்சு

 

செ. இராசா

கொள்கையின் பேரினில்

 

கொள்கையின் பேரினில் கொள்ளை அடிப்பவர்
கொள்ளை அடிக்கவே கொள்கையைத் துறக்கிறார்....

நல்லவர் போலவே நம்மவர் என்பவர்
வல்லவர் வாழவே மையமாய் நகர்கிறார்....

சிறுத்தையைப் போலவே சீறிடும் வித்தகர்
இருப்பதைக் காக்கவே ஈவதை ஏற்கிறார்...

சமத்துவம் தேடிய சாதனை நாயகர்
சமுத்திரப் பாதையில் ஓடையை இணைக்கிறார்...

கூட்டணி அமைப்பதில் குழப்பம் நிறைந்தவர்
போட்டியில் வெற்றியை எதிரிக்குத் தருகிறார்....

செ. இராசா

மெட்டு: மாங்குயிலே....காலமுள்ள காலம்வரை

*பல்லவி*

காலமுள்ள காலம்வரை மானத்துடன் வாழ
ஆளுகிற ஆட்சியினை நாம்தொடர வேணும் ....(2)
முத்து வேலர் கருணா நிதி
பெத்த பிள்ளை பாரம்மா...

காலமுள்ள காலம்வரை மானத்துடன் வாழ
ஆளுகிற ஆட்சியினை நாம்தொடர வேணும்..

*சரணம்_1*

எட்டி எட்டி மேல வந்த எங்க தல சிங்கம் அவர்...
எள்ளளவும் குறை களில்லா சுத்தமான தங்கம்...

தப்பு தண்டா செஞ்ச வர்க்கு எப்போதுமே நெருப்பு -ஐயா
நட்பப் போல கண்ண வச்சு
காப்பதவர் பொறுப்பு...

சாதி மதத்தால் பிரிக்க நினைச்சா
சட்டம் ஒழுங்க கெடுக்க நினைச்சா
ஹிந்தி மொழிய திணிக்க நினைச்சா
நம்ம மொழிய அழிக்க நினைச்சா

வால ஒட்ட நறுக்கு ஐயா
நம்மில் இல்லை வெறுப்பு
வாழ வந்தா சிறப்பு இல்லை
இங்கே இல்லை இருப்பு

நித்தமும் பொய்களைச் சொல்லிடும் பேர்களின்
அத்தனை வேசமும் சீக்கிரம் நீங்கிடும்
காலமுள்ள காலம்வரை மானத்துடன் வாழ
ஆளுகிற ஆட்சியினை நாம்தொடர வேணும்..

*சரணம்-2*

உண்மை நிலைச்சு நிக்க உயிர் கொடுக்கும் தலைவன் அம்மா
நன்மை கிடைக்கனும்னு தினம் நினைக்கும் தலைவன்
வள்ளுவரு சிலையை வச்ச கலைஞரோட புதல்வன் ஐயா
தெள்ளுதமிழ் நிலைக்க வச்ச
கழகத்தோட முதல்வன்
கூடியிழுப்போம் வெற்றிக் கனிய
சொல்லி அடிப்போம் டெல்லிப் பணிய
நாளை எண்ணித்தான் நாளும் உழைப்போம்
பார்வை ஒன்றில்தான் பாதை அமைப்போம்

நாற்பதிலும் நாமே யம்மா
வெல்லவேணும் தானே
மோதிடுவோர் வீணே யம்மா
வீழவேணும் தானே
மாலைய எடுத்துப் போடனும் உமக்கு
நம்மோட கணக்கு மொத்தமும் நமக்கு

வங்கிக் கடன்வாங்கி

 

வங்கிக் கடன்வாங்கி

......வாங்கிய பட்டத்தால்

வங்கிக் கடனடைக்க

......வந்துவிட்டேன்- வங்கிக்கே..

இப்பணி ஆற்றிடவா

......இன்ஜினியர் பட்டமென

எப்போதும் கேட்பர்

......இனி!

 

செ. இராசா

யாருடா நீங்கள்லாம்

 

 

வெளு வெளுன்னு வெளுக்கணும்
வெறிநாய்கள வெளுக்கணும்
மிதிமிதின்னு மிதிக்கணும்
வெறிநீங்கிட மிதிக்கணும்
அடி அடின்னு அடிக்கணும்
அடிதெறிக்க அடிக்கணும்
அறு அறுன்னு அறுக்கணும்
குறிபார்த்து அறுக்கணும்

#பல்லவி
யாருடா நீங்கள்லாம்
யாருடா நீங்கள்லாம்....
பாவன்டா பிஞ்செல்லாம்
பாவிடா நீங்கள்லாம்

பூமிக்கும் பாரமா
...சாமிக்கும் தூரமா
வாழ்க்கையே மோசமா
..வாழத்தான் வேணுமா?!

கழுமரத்துல எண்ணெயத் தடவி
சொறுக வேணுங்க...
இரும்புக்கம்பியப் பழுக்கக் காய்ச்சி
இழுக்க வேணுங்க...
கொடிமரத்துல இறுக்கிக் கட்டி
பொளக்க வேணுங்க...
வெடிமருந்தினை முழுக்கக் கொட்டி
எரிக்க வேணுங்க...

செ‌. இராசா

பூஜாவோ சர்மாவோ

 

பூஜாவோ சர்மாவோ
......போங்கடி ஓரமா
பேஜாரு செஞ்சாக்க
......பிச்சிடுவேன்- ராஜாடீ
நோட்டம் விடுவதுமாய்
......நூல்விட்டுப் பார்ப்பதுமாய்
கூட்டம் திரியுது;கை
.......கோர்த்து!

செ. இராசா

மங்கையராய்ப் பிறப்பதற்கே-

மங்கையராய்ப் பிறப்பதற்கே- நல்ல
மாதவம் செய்திட வேண்டுமாம்!
மன்னியுங்கள் கவிஞரே..
மனம் பதைபதைக்கிறது..
ஒரு மகளைப்பெற்ற தந்தையாக...
...
நீதி வேண்டுமென்று
நிற்காமல் ஒலிக்கும் குரல்கள்...
இன்னும் கேட்கிறதே...
இது எப்போது நிற்கிறதோ
அப்போது சொல்லுங்கள்..
...
மகளிர் தின நல்வாழ்த்துகள்!
.....
செ. இராசா

வாழ்த்தி

வாழ்த்தி வரவேற்ற மாண்புமிகு நட்புகளை
ஆழ்மனதில் போற்றிடுவேன் ஆர்ந்து!