அவளைப் பார்க்கல -அடி நான்
அவளைப் பார்க்கல...அவ
பாடுகிற பாட்டில் உள்ள
கருத்தைப் பார்க்குறேன்- ஆமா
கருத்தைப் பார்க்குறேன்
அவளைப் பார்க்கல -அடி நான்
அவளைப் பார்க்கல...அவ
ஆடுகிற டான்ஸில் உள்ள
கலையைப் பார்க்குறேன்- ஆமா
கலையைப் பாரக்குறேன்
ஏய்.... நிறுத்து..
கருத்துன்னா....?
CONCEPT....
கலைனா?!
ART....
ஓ.....சரி சரி.....அப்ப நடத்து...
(அவளைப் பார்க்கல....)
#கானா
வீணா....உட்டா லக்கடி ஆட்டம் போட்டா முன்னால
வேணாம்...விட்டா அப்புறம் வீங்கிப் போயிடும் பின்னால
தானா...கெத்தா நிக்கிற தௌலத் துண்டா உன்னான்ட
நீலாம்..வெத்தா இப்படி ஏன்டா நிக்கிற என்னான்ட..
வா முடிஞ்சா வந்திடு பார்த்துக்கலாம்
தில் இருந்தா தொட்டிடு பார்த்துக்கலாம்...(2)
நீலாங்கரை ஊராண்டநீ இன்பாப் பேரை சொன்னாலே...
வாலாட்டிடும் பேமானிக நண்பா என்பான் தன்னாலே...
கானாவுல ஃபீலாபல ஷோக்கோவரும் அப்போதே..
வீணாயினி காண்டாக்குனா சீனாகுவ இப்போதே...
செ. இராசா
கண்டவுடன் நெஞ்சம் கதகளி ஆடுதடி
சுண்டுவிரல் கூட சுவைத்திட- எண்ணுதடி
உண்டிடும்முன் நாக்கில் ஒழுகுது தீர்த்தமடி
உண்மையிலே சொர்க்கமடி நீ!
#பூரிவெண்பாசெ. இராசா
செ. இராசா
சுருங்க உரைக்கின்ற சூட்சுமம் சொல்லும்
பெருங்கவி ஔவையார் பேர்!
(1)
ஈரடிக்கு வள்ளுவனார் என்பதுபோல் நற்பெருமை
ஓரடிக்கு ஔவையால் உண்டு!
(2)
குறைவாகச் சொல்லும் குறுந்தகவல் நுட்ப
முறைகாட்டித் தந்தார் முதல்!
(3)
மூத்த குடியாக முன்நிற்கும் நம்மினத்தைக்
காத்த புலவரிவர் காண்!
(4)
மூதுரையின் நல்வழியில் முன்னேறிச் செல்வோர்க்குத்
தீதுரைகள் தீண்டாது செல்!
(5)
அங்கவையும் சங்கவையும் ஔவையால் மீண்டமைக்குச்
சங்கத் தமிழ்மொழியே சான்று!
(6)
அதியமான் தந்தகனி ஔவை-யார் என்றே
பதிவான சான்றாகும் பார்!
(7)
காசுக்குப் பாடிய கம்பனையும் கண்டித்த
மாசில்லா தாயை வணங்கு!
(8)
பாரியையும் காரியையும் பைந்தமிழர் யாவரையும்
பேரன்பால் கட்டிவைத்த பெண்!
(9)
வங்கக் கடலோரம் வைத்திடுவோம் அன்னைக்குத்
தங்கத்தால் மின்னும் சிலை!
(10)செ. இராசா
மெட்டு: #யாரோ_இவன்
தீயா இவள்.. நீரா இவள்...
என் வாழ்வினில் யார்தான் இவள்?
என் பாதையில் வந்தாள் இவள்..
மெய்யானவள்!
எப்...போதுமே வருகின்றவள்..
தப்..பானதை தவிர்க்கின்றவள்..
தன் மோதலில் பிழையானதைக் களைகின்றவள்....
சொல்....லாமலே சொல்கின்றவள்..
கண்...ணாலயே கவி(ழ்)க்கின்றவள்..
முன்கோபிகள் எல்லோரிலும் முதலாள் இவள்...செ. இராசா
செ. இராசா
காத்திருந்தா பஸ்ஸு கிடைக்கும்
காதலிச்சா கிஸ்ஸு கிடைக்கும்
சொன்னாரு கவிஞர்வாலி நேத்து...
ஈஸியாவே ஆளு கிடைக்கும்
ஈஸிஆரில் தூளு பறக்கும்
சொல்றாங்கோ இன்னிக்கி நிலையப் பார்த்து- மச்சி
சொல்றாங்கோ இன்னிக்கி நிலையப் பார்த்து...
எங்கங்கே துட்டு இருக்கு
அங்கங்கே கூடிக் கிடக்கு
உண்மையான காதலெங்கே சொல்லு- நீயும்
காண்பதெல்லாம் காதலில்லை தள்ளு- இந்தக்
காதலெல்லாம் காஸ்டிலியான ஜொள்ளுசெ. இராசா
உங்களிடம் ஒருவர் ஓடோடிவந்து
நான் உங்கள் விசிறி என்றால்
உண்மையில் எப்படி இருக்கும்?
குளுகுளு என்றிருக்காதா?
அதனால்தான் என்னவோ
விசிறி என்ற பெயரை
இரசிகனுக்கும் வைத்தார்கள்போல...
யோசித்துப் பாருங்கள்...
இந்த விசிறி இல்லாத இடம்
ஏதேனும் உண்டா?
விமானமோ ஹெலிகாப்டரோ...
கப்பலோ கணினியோ..
ஏசியோ... ஃபிரிட்ஜோ..
விசிறியின் பங்களிப்பு
வியக்க வைக்கிறதல்லவா?!
உண்மையில்
இந்த விசிறி என்ற சொல்
சங்க இலக்கியத்தில்
நேரடியாக இல்லைதான்
ஆனால்
பாவிக்கப்பட்ட சான்றுகள்
பலவாறு உள்ளனவே....
நெடுநல்வாடையில் ஓர் இடம்;
கவின் பெறப் புனைந்த
சேங்கழ் வட்டம் என்கின்ற விசிறி
சிலந்தி கட்டிக் கிடந்ததாம்....
அதேபோல் புறநானூற்றில் ஓர் இடம்;
மோசிகீரனார் என்னும் ஏழைப்புலவனுக்கு
சேரமான் பெருஞ்சேரல் விசிறி விட்டானாம்
அதுவும் எப்படி?
"தண்ணென வீசியோயே" என்றால்
குளிர்தர வீசினாயோ என்கின்றான்...
இப்படி வீசும் விசிறிகள்தான்
எத்தனை வகைகள்?
பனையோலை விசிறி
தென்னை மட்டை விசிறி
மடக்கு விசிறி
மயில் விசிறியென இருந்து
பிளாஸ்டிக் விசிறி
மின் விசிறியென
விசிறிகள்தான் எத்தனை எத்தனை.?!
ஒன்று தெரியுமா உங்களுக்கு...?!
சொளகை விசிறியாக்கி தூற்றியது
நாம் மட்டும் இல்லை....
இயேசுவும்தான்....
ஆம்...
தூற்றுக்கூடை அவர் கையில் இருக்கிறது
பதரை விளக்கி களஞ்சியம் சேர்ப்பார் என்று
இயேசுவைக் கைகாட்டினாரே
திருமுழுக்கு யோவான்...
எனில் இந்த விசிறியின் முக்கியத்துவம் பாரிர்.
ராஜாக்கள் காலம் முதல்
ஆங்கிலேயர் காலம் வரை
இந்த விசிறியை சாமரம்போட்டு விசிறத்தான்
எத்தனை எத்தனை ஆட்கள்?!
அட..
ஆண்டவர்க்கு மட்டுமா விசிறிகள்?!
ஆண்டவர்க்கே விசிறிகள் உண்டே...
விஞ்ஞான வரவால்
மின்விசிறி வந்ததும்
அடிமைமுறை பங்கா வாலாக்கள்
முற்றிலும் ஒழுந்தது மகிழ்ச்சிதான்
ஆனால்....
விசிறிகளும் விடைபெற்றுப் போனதே...!!!
தயவுகூர்ந்து...
குளிரூட்டி அறை விடுத்து
கொஞ்சம் வெளியே வாருங்கள்...
அடடே....
நமக்காகவே விசிறிவிட
இதோ சில மரங்கள் இன்னும்....செ. இராசா
#ஜல்லிக்கட்டு_பார்க்குறாங்க
#மெட்ராஸ்_வெண்பா
இன்னாபா பார்க்குற
.....ஏத்திடுவேங் கொய்யால
என்னான்ட வச்சுகினா
.....ஏழ்ரைதான்- என்பதுபோல்
பாஞ்சு வரயேதும்
.....பார்க்குதோ....ஏன்நைனா..
மூஞ்சிய மூடிக்க வா...?!செ. இராசா
உழைத்த உழைப்பிற்கு
உழைப்பின் அடிப்படையில் தரப்படும்
ஓர் பொருளே சம்பளம்..
அதென்ன சம்பளம்?
சம்பா நெல்லும்
உப்பள உப்பும்
ஈடு பொருளாய் தந்த காலத்தில்
சம்பா அளவுப்பு சொற்றொடரே
சம்பளம் ஆனதென்பர்...
அதேபோல்...
உழைப்பினைக் குறிக்கும்
ஊழியச் சொற்றொடரே
ஊதியம் ஆனதென்பர்....
அதென்ன கூலி?
பஞ்ச காலத்தில்
கூல் ஊற்றியதாலேயே
கூலியாய் ஆனதென்பர்....
இவ்வளவு ஏன்
SALARY என்ற ஆங்கிலச்சொல்லே
SALTல் இருந்துதான் வந்ததாம்
சந்தேகமெனில் கூகுளைப் பாருங்கள்...
அதெல்லாம் சரி...
அதற்கென்ன இப்போது?
அதானே...
மாதச் சம்பளம்
மாதா மாதம் வருவோருக்குத் தெரியாது
அதன் மகிமை....
தாமதம் ஆனாலோ
தடைபட்டுப் போனாலோ தெரியும்
சம்பளமே தம் பலமென்று...
நூறுநாள் வேலை வாய்ப்பு திட்டத்தில்
வெட்டியாய் வெட்டுவோருக்குத் தெரியாது
அதன் மகிமை..
அதுவும் கிடைக்காதபோதே தெரியும்
வடநாட்டுக்காரன் வராத இடம்
அதுமட்டுமே என்று...
ஒன்றைப் புரிந்து கொள்ளுங்கள்...
ஒன்றின் மகிமை என்பது
ஒன்றில் இருக்கும்போது அல்ல...
ஒன்றை இழக்கும்போதே தெரியும்....
ஆக..
இருக்கும்போதே சேமியுங்கள்...
இல்லாதபோது உதவும்...செ. இராசா
பல்லவி
ஆட்டுக்கெதுக்கு தாடி
இந்த நாட்டுக்கெதுக்கு கேடி
செல்லோ செல்லோ செல்லோ
செல்லோ செல்லோ...
ஆட்டுக்கெதுக்கு தாடி
இந்த நாட்டுக்கெதுக்கு கேடி
சும்மா சும்மா சீனு போடவும் (போடாடேய்)
மக்கு போல பேசி ஓட்டவும் போடாடேய்)
உங்களோட புத்திய காட்டவும் (போடாடேய்)
மண்டுகளக் கூட்டு சேர்க்கவும் (போடாடோய்)
நீ எச்சத் தனமா நடிச்க வேணாம்
கலைஞர் ஆட்சி நடக்குதிங்கே...
பல்லவி
ஆட்டுக்கெதுக்கு தாடி
இந்த நாட்டுக்கெதுக்கு கேடி
ஆட்டுக்கெதுக்கு தாடி
இந்த நாட்டுக்கெதுக்கு கேடி
சரணம்_1
ஒன்றியம்போட்ட ரூட்ல ஒட்டி நீயும் பாக்ற
தளபதியால் தவிடு பொடி ஆவய்யா
சொல்லுற தாள நடையில சொன்னதெல்லாம் செய்யுற
யாருனாலும் பதறி ஓட வேணும்யா..
கூடிவந்தா ஒழுங்கா முறையா இருக்கலாம்
மோதிநின்னா முறைச்சா வகையா செய்யுவோம்
கூடிவந்தா ஒழுங்கா முறையா இருக்கலாம்
மோதிநின்னா முறைச்சா வகையா செய்யுவோம்
தாஜா பண்ணி பேஜார் பண்ணும் மனுசன் யாருங்கோ
அவர் நுழைய பார்த்தா கழகம் வெட்டும் வாலத் தானுங்கோ
சரணம்_2
கட்டுறவாச்சு ரேட்டுல காஸ்ட்லி வாட்சு விலையில
எத்தனைவாட்சு விலைக்குநாம வாங்கலாம்
பேட்டி கொடுத்து பார்க்குறார் பின்னால போயி பேசுறார்
பில்லுகேட்டா கொடுக்கவில்லை பாருங்க
பில்லுகேட்டா ஒழுங்கா முறையா காட்டுய்யா
இல்லைனாக்க ஒழுங்கா வாய மூடுய்யா
பில்லுகேட்டா ஒழுங்கா முறையா காட்டுய்யா
இல்லைனாக்க ஒழுங்கா வாய மூடுய்யா
தாஜா பண்ணி பேஜார் பண்ணும் மனுசன் யாருங்கோ
அவர் நுழைய பார்த்தா கழகம் வெட்டும் வாலத் தானுங்கோ
செ. இராசா
சுவாமி_விவேகானந்தரின்_பிறந்தநாள்
மெட்டு_ஓடி_ஓடி_ஓடி_ஓடி_உட்கலந்த_ஜோதி
யாரு யாரு யாரு யாரு
.........தன்னை நம்ப வில்லையோ
யாருமில்லை இல்லை இல்லை
.........உண்மை யான ஆஸ்த்திகன்!
யாரு யாரு யாரு யாரு
..........தன்னை நம்பும் ஜீவனோ
யாருமென்றும் சொல்வதில்லை
...........நம்பி டாத நாஸ்திகன்!
வெற்றி வெற்றி வெற்றி யென்று
.........வெற்றி கொள்ள வேண்டினால்
வெற்றி பற்றும் வேட்கை கொண்டு
..........வேக மாக ஓடுவாய்!
முற்றும் உன்னை நம்பி நம்பி
.........முட்டி முட்டி மோதினால்
முற்றும் இல்லை என்ற வாய்ப்பும்
........முன்னே நிற்கக் காணுவாய்!செ. இராசா
ஒரு_நீண்ட_அத்தியாயம்_முடிவுக்கு_வருகிறது
கத்தாரில்_நான்
ஏற்கனவே அஸ்ஸாமில்_நான்
என்ற ஒரு நூல் வெளியீடு செய்திருந்தேன். அதில் என் பள்ளி மற்றும் கல்லூரி
பருவம்தொட்டு சென்னை மற்றும் அஸ்ஸாமில் வேலை பார்க்கும்போது ஏற்பட்ட
சுவாரஸ்யமான விடயங்களை தொகுத்து வழங்கி இருந்தேன். அதில் நான் கத்தார் வந்த
வருடமான 2006 வரைக்கும் பதிவாகி இருந்தது. அதனை முகநூலில் தொடராக
எழுதியபோதே அனைவரும் அடுத்தென்ன அடுத்தென்ன என்று ஆர்வமாக கேட்டார்கள்.
சரி..... விட்ட இடத்திலிருந்து அடுத்த கட்டுரைகளை ஆரம்பிக்கலாமா என்று
யோசிக்கின்ற கட்டம் வந்துவிட்டதாகவே உணர்கிறேன்.
முதல் நூலில் முதல் 25 வருட சுவாரஸ்யமாக அனுபவங்களை தொகுத்திருந்தேன். இப்போது, கத்தாரில்_நான்
என்ற பகுதியை விட்ட இடத்திலிருந்து தொடங்கலாமா என்று யோசிக்கிறேன்.
பொதுவாக, இடம் பெயர்தல் ஆனபிறகுதான் இருந்த இடத்தைப்பற்றி சுதந்திரமாக எழுத
முடியும் என்பது திண்ணம். ஏறக்குறைய, அதற்கான சூழல் வந்துவிட்டதாகவே
உணர்கிறேன். ஆம், இந்த வருடத்தோடு பிள்ளைகளின் படிப்பை மனதில் கொண்டும்,
ஸ்திரமற்ற பணியை மனதில் கொண்டும் இடம் பெயர்தலை நோக்கி உந்தப்பட்டுள்ளேன்
என்றே சொல்லலாம்.
அடுத்து எனக்கான அத்தியாயம் என்பது உள்நாட்டிலா?
வெளி நாட்டிலா? இதே நிறுவனத்திலா? அடுத்த நிறுவனத்திலா?....இப்படி எதுவும்
தெரியாமல், பிள்ளைகளின் எதிர்காலத்தை எண்ணி எடுக்கும் சில அவசர முடிவுகள்
என்பது கசப்பாக இருந்தாலும் காலத்தின் கைகளில் அதைக் கொடுத்து விட்டு
இடம்பெயர்தல் என்னும் முடிவை எடுக்கத்தான் வேண்டியுள்ளது. காரணம், உலக
அளவிலான பொருளாதாரப் போட்டியில், வேலை எடுக்கும் ஒப்பந்தக்காரர்களின் விலை
குறைந்து கொண்டே போவதால், பெரிய சிறிய என அனைத்து நிறுவனங்களுமே
தடுமாறுகின்றன. ஆள் குறைப்பு, சலுகைக் குறைப்பு, ஊதியக் குறைப்பு, தற்காலிக
அல்லது நீண்ட கால கட்டாய விடுப்பு......என எல்லாமும் மாறிக்கொண்டே
வருகிறது.
இப்பேர்பட்ட உலகத்தில் நாமும் நம் பிள்ளைகளை அவர்களின் தொடர் ஓட்டத்திற்கு தயார் படுத்த வேண்டாமா? (என்ன செய்வது பிறந்து விட்டோமே?)
2006இல்
ஒரு வருடம் இருந்தால் போதும் என்று கத்தார் வந்த எனக்கு, இன்றுவரை
உணவளித்து, அப்பாவின் கடனடைத்து, திருமணம் செய்வித்து, இரண்டு
பிள்ளைகளையும் இங்கேயே பிரசவிக்க வைத்து, இரண்டு வீடுகள் கட்ட வைத்து, இது
நாள் வரையிலும் எமக்கும் எம்மைச் சார்ந்த அனைவருக்கும் வாழ்வளித்த மற்றும்
வாழ்வளித்துக் கொண்டிருக்கும் கத்தார் நாட்டிற்கு எம் மனமார்ந்த நன்றியைத்
தெரிவித்துக்கொண்டு இங்கே ஏற்பட்ட சுவாரஸ்யமான நிகழ்வுகளை எழுத
ஆயத்தமாகிறேன்...பார்ப்போம்!
இறைவன் அருள் புரிந்தால் தொடரும்.....
செ. இராசா
போடுகிற திட்டத் தால
பொன்னானது நம்ம நாடு...
நம்ம வீட்டில் நரிகள் புகுந்தா..
என்னாகும் எண்ணிப் பாரு ....(2)
போடுகிற திட்டத் தால..
நம்ம தமிழ் நாட்டிலிங்கு
வே...ரூன்ற ஆசைகொண்டு
கொல்லையில வந்த காளான்
விசம் தூவப் பார்க்குதிங்கே
ஆயிரம் கணக்கு போட்டு
சண்டாளர்கள் ஒன்று கூடி
செய்வது எல்லாம் வீணே
ஜெயிப்பது தர்மம் தானே
முட்டி முட்டி மோதி னாலும்
வெட்க மிலா கூட்டமம்மா...
நல்லவழி கேளம்மா...
கலைஞர்வழி தானம்மா....
போடுகிற திட்டத் தால
பொன்னானது நம்ம நாடு...
நம்ம வீட்டில் நரிகள் புகுந்தா.
என்னாகும் எண்ணிப் பாரு ....
போடுகிற திட்டத் தால..
ஆண்டவனத் தேடுகின்றார்
ஐயா வீட்டு மீனாட்சி
கோடுபோட்டு தடுக்கவில்லை
ஊரெல்லாம் இங்கே சாட்சி
கொள்கை வழி கழகமம்மா
கட்டாயப் பாடமம்மா
தானாக மாற வே....ண்டும்
தடியாலே இல்லையம்மா...
பொய்யான கூட்டம் இன்று
பொய்யாகப் பரப்பி விட்டு
அரசாளும் ஆசையால்
சும்மா ஏதோ பேசுகின்றார்
போடுகிற திட்டத் தால
பொன்னானது நம்ம நாடு...
நம்ம வீட்டில் நரிகள் புகுந்தா..
என்னாகும் எண்ணிப் பாரு ....
போடுகிற திட்டத் தால..செ. இராசா
செ. இராசா
மெட்டு_அம்மானா_சும்மா_இல்லைடா
(மா.சுப்பிரமணி ஐயா அவர்களுக்காக)
ஐயானா மா.சு பாருடா ஆ...
அவர் இல்லேனா வேற யாருடா ஆ... (2)
கட்சி யோட ஆர்மி ஆர்மி
எங்க ரோலு மாடல் நீங்க சாமி
செஞ்சவர மறந்தா
அவன் நன்றிகெட்ட ஆளு
அந்த உத்தமர அழைச்சா
அவர் வந்திடுவார் கேளு
ஐயானா மா.சு தானடா
அவர் இல்லேனா நாம இல்லடா ஆ...
சரணம்_1
நம்ம கட்சி பேர் எடுத்தா
ஐயாவுக்கு சந்தோசம்
நாலு பேர வாழ வச்சா
தளபதிக்கும் சந்தோசம்
போற நிதி நன்மை செஞ்சால்
ஏழைக்கெல்லாம் சந்தோசம்
நல்ல திட்டம் சேர்ந்த தென்றால்
எப்போதுமே சந்தோஷம்
நம்ம கழகம்
ஆட்சி நடந்தா
டெல்லியுமங்கே
சொல்லக் கேட்கும்
நம்ம மதிச்சா
நாமும் மதிப்போம்
வம்பு பண்ணுனா
வம்பு தானடா...
வந்தாலும் வராமப் போனாலும்
நாளும் பணி செய்வோம் வாடா...
ஐயானா மா.சு பாருடா ஆ...
அவர் இல்லேனா வேற யாருடா ஆ
***************
இராவு பகல் கண் முழிச்சு
நாளும் நன்மை செய்திடுவார்
வாலாட்டும் பேர்களுக்கு
தன் மொழியில் புன்னகைப்பார்..
தொல்லைதந்த நோய் துரத்த
கண்ணுறக்கம் தள்ளி வச்சார்
ஊருக்காக முன்ன நின்னு
தன்மகனைக் கொல்லி வச்சார்
சொல்ல நினைச்சா ஆ
நெஞ்சம் கொதிக்கும்
தாயிபோலத் தான்
என்றும் அவரே....
நாட்டுக் காகத்தான்
என்றும் நினைக்கும்
ஸ்டாலின் ஐயாவின்
நண்பர் இவரே...
கட்சியைப் போல் கண்ணியம் கொண்டு
அண்ணனைப் போல் அண்ணனே உண்டு
ஐயானா மா.சு பாருடா ஆ...
அவர் இல்லேனா வேற யாருடா ஆசெ. இராசா
செ. இராசமாணிக்கம்
செ. இராசாசெ. இராசா