கத்தரி

வெட்டிவிடு
துண்டாக்கிவிடு என்கிற அர்த்தத்தில்
இந்தக் கத்தரி என்னும் வார்த்தைதான்
எவ்வளவு நுட்பானது..!!!

துணியோ? மயிரோ*?
காகிதமோ? ரிப்பனோ?!
கத்தரிக்கின்ற கருவிக்கு
கத்தரிக்கோல் என்றே பெயர்...

புற்றுநோய்கூட
பற்றிடா வண்ணம்
கத்தரித்து காக்கின்ற காய்க்கும்
கத்தரிக்காய் என்றே பெயர்...

வெயிலின் உக்கிரத்தில்
வெளியேறும் எண்ணத்தை
கத்தரிப்பு செய்கின்ற வெயிலுக்கும்
கத்தரிவெயில் என்றே பெயர்...

எனில்
கத்தரி என்றால் நல்வார்த்தைதானே?!
ஆம்...
கத்தரிக்க வேண்டியவற்றைக் கத்தரி
அது நன்மை பயக்குமெனில்...