முகத்தை முகப்பில் வைக்காது
முகநூல் கணக்கில் உள்ளோரே...
முகத்தைக் காட்டிட தயக்கமெனில்-நின்
முகநூல் கணக்கு எதற்கய்யா?!
முகநூல் முழுவதும் நோட்டமிட்டு
முகத்தைக் காட்டிட மறுப்போரே...
முகநூல் வழியே புன்னகைத்தால்-நீர்
சகத்தில் இழப்பது யாதய்யா?
அகத்தின் அழகு என்னவென்று
முகத்தில் தெரியும் என்பதனால்
முகத்தை முதலில் வையுமய்யா!- பின்
முகநூல் கணக்கில் வாருமய்யா!
முகநக நட்பிலே ஆரம்பித்து
அகநக நட்பிலே இணைவதற்கு
முகநூல் என்பது வரமய்யா! -அதில்
முகவரி என்பது முகமய்யா!
