08/07/2019

தடைபட்ட ஆசைகள் அத்தனையும்

தடைபட்ட ஆசைகள் அத்தனையும்
தாண்டி வந்தால் சினமாகும்!
அடைபட்ட சினங்கள் அத்தனையும்
அழுத்தம் பெற்றால் பகையாகும்!

பகையுற்ற பதிவுகள் அத்தனையும்
பலநாள் பொதிந்தால் வஞ்சமாகும்!
பொதிந்த வஞ்சங்கள் அத்தனையும்
பொறுமையை இழந்தால் போராகும்!

ஆசையை சரியாய்ச் சீரமைத்தால்
அத்தனைப் பகையையும் தவிர்த்திடலாம்!
சினத்தை முறையாய் அறுத்துவிட்டால்
மனத்தை மகிழ்வாய் வைத்திடலாம்!

✍️செ. இராசா

No comments: