தேயத்தேய மணக்கும்
சந்தனம்போல்- நீ(ர்)
பாயப்பாய பூக்கும் நந்தனமே!
காயக்காய வருத்தும்
கதிரவன்போல்- நீ
காயமின்றி எரிக்கும் அதிசயமே!
தோண்டத்தோண்ட ஊறும்
கேணியைப்போல்- நீ
தீண்டத்தீண்ட இனிக்கும் நற்கரும்பே!
படிக்கபடிக்க சுவைக்கும்
கவியினைப்போல்- நீ
கடிக்ககடிக்க இனிக்கும் கல்கண்டே!
அறியஅறிய அறியா
அறியாமைபோல்- நீ
அறிந்தும் அறியாத புது இனமே!
தெளியத்தெளிய அருந்தும்
குடிமகன்போல்- நான்
தெளிந்தும் தெளியாத ஆணினமே!
✍️செ. இராசா
No comments:
Post a Comment